De Plattdüütschen - Kultur- und Heimatverein Bassum e.V

Direkt zum Seiteninhalt

Hauptmenü:

De Plattdüütschen

De Plattdüütschrunn inne Heimotstuuv

„Snack mol wedder platt, oder köönt de Bassumer dat am Enne gor nich mehr?

Dütt will de Heimotvereen ( nu heet dat jo Kultur- un Heimatverein ) rutfinnen un loord an'n 30. Oktober 1995 to een plattdüütschen Klöönobend in. Wenn plattdüütsch an Leven blieven schall, denn mööt wi mehr platt snacken. Kiek mol rin, snack mit oder hör ganz eenfach to. Wi drept us obends um halbig Achte inne Heimotstuuv bi de Freudenburg.“

So stünd dat in de eersten inlodung von'n Heimotvereen. 16 Lüüd sind komen, dat weer denn de Anfang von us Plattdüütschrunn. In Harvst un Winter dreept sik de Plattdüütschfrünn nu al bold 15 Johr, toeerst obends un nu al'n poor Johr nohmiddogs bi Kaffee un Botterkoken. Meist so um de 20 Lüüd, mitunner ok mol mehr, so dat in de Heimotstuuv keen Platz mehr weer.

Denn weert plattdüütsche Leder sungen un sonst ward över elkeen Thema snackt. Foken harrn wi ok leve Gäste, de us wat vertellt hebbt, so wie al eenige Autoren von'n Schrieverkring. Schood is blots, dat keene jüngeren Lüüd bi us rinkiekt! Wer also geern mol plattdüütsch snacken oder eenfach tohöörn moch, is bi us von Harten willkomen.

Wieter geiht dat:

 
Copyright 2015. All rights reserved.
Zurück zum Seiteninhalt | Zurück zum Hauptmenü